ABALLO vel ABALLONE

ABALLO, vel ABALLONE

oppid. Galliae Celticae in Ducatu Burgundiae inter Augustodunum et Antissiodorum, inde 51. hinc 18. milliar. Gall. distans. Avallon. nunc vocatur. longitud. 20. 55. latitud. 46. 56. Baudrando est oppidum situm ad Cussinum fluvium, 10. leucis ab Antissiodoro, in meridiem et ab Augustoduno 18. leucis tantum in Boream, in planitie. Huius muros sponte corruisse A. C. 1003. Roberto eam obsidente narrant, Continuator Aimonii, Mexeray, Duplex in Roberto. Caput est pagi Aballonensis, qui in divisione Regni â Garolo M. factâ Avalensis: in Capitulis Caroli Calvi Avalisus, vulgo l' Avalonois dicitur. In hoc ager Viceliacus ubi, qui ante annos 500. scripsit, Hugo Pictavin. Monasterium Viceliacense a Gerardo Com. fundatum memorat. Significat autem Avalon vet. linriguâ Gallicâ et Britannicâ, pomum, Hadr. Vales. Not. Gall.